Naan grillbrauð
Ég hef gert þetta naan grillbrauð í mörg ár og það slær alltaf í gegn. Við notum það bæði sem meðlæti og gerum líka naanlokur úr þeim.
Það er bæði hægt að grilla það eða steikja á pönnu.
- Undirbúningur: 1 klst
- Baksturstími: 15 min
- Samtals: 1 klst 15 min
- Fjöldi: 12-14 stk
- Erfiðleikastig: Auðvelt
Innihald
Naan grillbrauð
- 600 g Kornax hveiti , (bláa)
- 26 g sykur
- 11 g þurrger
- 1 tsk salt
- 2 tsk lyftiduft
- 200 ml mjólk, (volg)
- 60 ml ólivu olía
- 180 g hrein jógúrt, (má líka nota ab mjólk, gríska jógúrt eða annað sambærilegt)
- 1 tsk hvítlauksduft
- 1 tsk rósmarín eða timían, (má nota hvaða krydd sem er)
Hvítlaukssmjör
- 250 g smjör
- 3 stk hvítlauksrif
- 1/2 tsk hvítlauksduft
Aðferð
Naan grillbrauð
- 1)
Við byrjum á því að setja þurrgerið í volga mjólkina og leyfum að standa í 5 mínútur.
- 2)
Næst hrærum við saman öllum þurrefnum.
- 3)
Þegar öll þurrefnin eru komin saman hrærum við þurrgersblöndunni, hreinu jógúrtinni og olíuni saman.
- 4)
Við hnoðum deigið vel og setjum til hliðar og leyfum að hefast í að minnsta kosti 45 mínútur.
- 5)
Þegar degið er klárt skiptum við því í 10-14 bita og notum hendurnar til þess að fletja brauðið út í þá stærð sem við kjósum. Mér þykir betra að hafa það þynnra en ef á að gera naanlokur er betra að hafa það þykkara.
- 6)
Næst er brauðið grillað (líka hægt að nota pönnu), penslum það með hvítlaukssmjörinu meðan við grillum það. Hægt er að bæta kryddi á brauðið eftir smekk.
Hvítlaukssmjör
- 1)
Við byrjum á því að bræða smjörið.
- 2)
Næst söxum við (eða notum hvítlaukspressu) hvítlaukinn og bætum honum út í smjörið ásamt hvítlauksduftinu.
Erfiðleikastig:
| Erfiðleikastig: | Auðvelt |
