Confetti bollakökur fylltar með súkkulaðikaramellu

Aðferð

Confetti bollakökur

• 1)

  Við byrjum á því að stilla ofninn á 175°(viftu).

• 2)

  Næst setjum við smjör (við stofuhita) og sykur saman í hrærivélaskál og þeytum þar til verður ljóst og létt.

• 3)

  Svo fara eggjahvíturnar rólega saman við, lítið í einu.

• 4)

  Næst hærum við 1/3 af þurrefnunum saman við blönduna.

• 5)

  Svo hrærum við 1/2 af blautefnunum (mjólk, olíu og vanilludropum) saman við.

• 6)

  Þá hrærum við næsta 1/3 af þurrefnunum saman við.

• 7)

  Síðan restinni af blautefnunum.

• 8)

  Að lokum fer síðasti skammturinn af þurrefnunum. Gott er að hræra degið ekki of mikið en samt nóg til þess að allt sé komið saman.

• 9)

  Næst setjum við deigið í um það bil 2/3 af bollakökuforminu (verða 12-15 stk) og bökum við 175°í 18-20 mínútur eða þar til pinni kemur hreinn upp úr kökunni.

Vanillusmjörkrem

• 1)

  Við byrjum á því að þeyta smjörið vel og lengi þar til það verður létt og ljóst.

• 2)

  Næst bætum við flórsykri og vanilludropum saman við og höldum áfram að þeyta.

• 3)

  Að lokum bætum við rjómanum saman við og þeytum í smá stund í viðbót.

Súkkulaðikaramella

• 1)

  Við setjum öll hráefnin saman í pott.

• 2)

  Leyfum blöndunni að sjóða þar til hún hefur þykknað, en pössum að hafa hana ekki á of háum hita svo hún brenni ekki.

• 3)

  Þegar karamellan byrjar að þykkna tökum við hana af hitanum og setjum í eldfastmót/skál og leyfum að kólna.

Samsetning

• 1)

  Við byrjum á því að gera gat í miðjuna á öllum bollakökunum.

• 2)

  Síðan fyllum við í götin með súkkulaðikaramellunni.

• 3)

  Að lokum sprautum við smjörkremi ofaná.