Marengsstafur

júlí 14, 2019Sylvía Haukdal Brynjarsdóttir

Prep time: 25 min

Cook time: 1 klst 30 min

Serves: 25

Calories: Miðlungs

Stafakökur er eitt af því sem er orðið virkilega vinsælt hér á landi. Ég hef gert nokkrar útfærslur en þennan marengsstaf er sjaldan hægt að toppa!

 

Prenta uppskrift

  • Undirbúningur: 25 min
  • Baksturstími: 1 klst 30 min
  • Samtals: 3 klst
  • Fjöldi: 25
  • Erfiðleikastig: Miðlungs

Innihald

Marengsstafur

  • 700 gr. Sykur
  • 350 gr. Eggjahvítur, við stofuhita

Fylling

  • 6 stk. Kókosbollur
  • 300 gr. Jarðaber
  • 1,5 dl. Omnom krunch, Nóa kropp eða Maltesers
  • 150 ml. Rjómi
  • 150 ml. Millac gold jurtarjómi

Skreyting

  • 700 ml. Rjómi
  • 700 ml. Millac gold jurtarjómi
  • 8 stk. Makkarónur
  • 20 stk. Marengskossar
  • 20 stk. Nóa kropp, Omnom krunch eða Maltesers

Aðferð

Marengsstafur

  • 1)

    Við byrjum á því að dreifa jafnt úr sykrinum á bökunarpappír á tvær ofnplötur.

  • 2)

    Svo fer sykurinn inn í 180° heitan ofn í 8-10 mínútur eða þar til sykurinn byrjar að bráðna örlítið á hliðunum.

  • 3)

    Þegar um það bil 1 mínúta er eftir af sykrinum inn í ofni byrjum við að þeyta eggjahvíturnar í hrærívél.

  • 4)

    Svo bætum við sykrinum 1-2 msk. í einu saman við eggjahvíturnar og höldum áfram að þeyta.

  • 5)

    Þegar blandan er aðeins byrjuð að kólna tökum við hana og setjum í sprautupoka, sprautum útlínur af stafnum sem við ætlum að gera, fyllum svo inn í hann með marengs og sléttum vel.

  • 6)

    Marengsinn fer síðan inn í 95°heitan ofn í 1 klukkustund og 30 mínútur eða þar til marengsinn er bakaður í gegn. Þetta gæti tekið lengri tíma, fer eftir því hversu þykkur marengsinn er. Ef marengsinn er bakaður deiginum áður er gott að skilja hann eftir inn í ofn og leyfa honum að þorna þar.

Fylling

  • 1)

    Við byrjum á því að stífþeyta rjómann. (sniðugt að þeyta allan rjómann sem við komum til með að nota og taka svo bara smá hluta af honum í fyllinguna)

  • 2)

    Svo skerum við niður jarðaberin og setjum í skál ásamt kókosbollunum, rjómanum og þeim kúlum sem þið ákváðuð að nota.

  • 3)

    Svo er öllu hrært varlega saman.

Samsetning

  • 1)

    Við byrjum á því að stífþeyta rjómann (ef þið þeyttuð hann ekki allan í einu)

  • 2)

    Sprautum rjóma doppur meðfram stafnum.

  • 3)

    Setjum síðan fyllinguna inní.

  • 4)

    Svo setjum við hinn stafinn ofaná og sprautum doppur yfir allan stafinn.

  • 5)

    Svo er stafurinn skreyttur með makkarónum, marengskossum, Omnom krunch-i eða öðrum súkkulaðikúlum veltum uppúr gulldufti.

    Hægt að að skreyta stafinn með hverju sem er, ferskum blómum, nammi eða bara því sem ykkur dettur í hug.

     

Eriðleikastig:

Erfiðleikastig:Miðlungs
Fyrri uppskrift Næsta uppskrift