Ítalskt tómatpasta með risarækjum
Pasta er eitt af því sem ég gæti lifað á og er þetta pasta algjörlega mitt uppáhald. Það er fljótlegt auðvelt og svoo gott!
Fullkomin réttur til að bera fram í matarboðinu.
Ég notaði Linguine pasta frá Filotea og get svo sannarlega mælt með því. Ótrúlega gott og nánast eins og heimagert pasta sem er mikil kostur.
Ég mæli með að þið skellið í þetta geggjaða pasta sem fyrst, þið verðið ekki fyrir vonbrigðum.
- Undirbúningur: 5 min
- Baksturstími: 15 min
- Samtals: 20 min
Innihald
Ítalskt tómatpasta með risarækjum
- 500 g pasta
- 3-4 msk ólivuolía
- 500 g risasækjur
- 3 tsk salt
- 1 tsk chilliflögur, má sleppa
- 1 stk laukur (gulur)
- 10 stk hvítlauksgeirar
- 3 dósir niðursoðnir tómatar, skornir
- 2 tsk sykur
- 1 tsk ítalskt krydd
- 250 ml hvítvín, þurrt
- 10 g fersk steinselja
- Parmesan
Aðferð
- 1)
Við byrjum á því að sjóða pasta (sjá leiðbeiningar á pakka) og setja til hliðar.
- 2)
Næst setjum við 2 msk af ólivuolíu í pottin og steikjum rækjurnar í um það bil mínútu á hverri hlið, kryddum með salt og pipar og setjum þær svo í skál til hliðar.
- 3)
Bætum 1 msk af olíu á pönnuna og steikjum lauk og hvítlauk á miðlungs hita þar til hann verður mjúkur.
- 4)
Bætum næst hvítvíni á pönnuna og leyfum að sjóða aðeins niður.
- 5)
Næst setjum við niðursoðnu tómatana (gott að taka smá vökva af þeim fyrst), ítalskt krydd, steinselju, sykur, salt og chilliflögur útí og leyfum að sjóða í um það bil 10 mínútur þar til sósan hefur aðeins þykknað.
- 6)
Að lokum bætum við rækjunum og pastanu útí, stráum steinselju yfir og parmesan. Svo er það bara að njóta!
