Geggjaðir kleinuhringir

Aðferð

Kleinuhringir

• 1)

  Við byrjum á því að blanda saman vatninu (ylvolgu) og þurrgerinu og leyfum að standa í um 5 mínútur.

• 2)

  Næst setjum við öll þurrefnin saman í hrærivélaskál.

• 3)

  Hellum síðan egginu, súrmjólkinni, vanilludropunum, smjörinu og að lokum gerblöndunni saman við.

• 4)

  Hnoðum deigið (notum krókinn) í 5 mínútur.
  (10 mínútur ef þið eruð ekki með hrærivél)

• 5)

  Síðan plöstum við skálina eða setjum rakt stykki yfir og leyfum að hefast í 30-45 mínútur eða þar til deigið hefur um það bil tvöfaldast.

• 6)

  Þá næst fletjum við deigið út um það bil hálfan sentimeter og stingum út kleinuhringi með kleinuhringjaskera eða hringskerum og setjum á bökunarpappir (Klippum bökunarpappírínn niður og setjum einn kleinurhing á hvern).

• 7)

  Næst leyfum við kleinuhringjunum að hefast í 30-45 mínútur í 40/50°heitum ofni með skál með heitum vatni fyrir neðan.

• 8)

  Hitum olíu upp í 180/190° og steikjum kleinuhringina á hvorri hlið þar til þeir byrja að vera gylltir. Setjum svo á eldhúspappír og leyfum að kólna.

• 9)

  Að lokum dýfum við kleinuhringjunum í bræddan súkkulaðihjúp og skreytum að vild.