Uppáhalds veislutertan

Aðferð

Blauttertubotn

• 1)

  Við byrjum á því að stilla ofninn á 150°(viftu).

• 2)

  Næst þeytum við saman eggin og sykurinn þar til það verður létt og ljóst.

• 3)

  Svo bætum við heita vatninu saman við í mjórri bunum og höldum áfram að þeyta.

• 4)

  Næst sigtum við lyftiduft og hveiti saman við og hrærum varlega með sleif þar til hveitið hefur blandast alveg saman við. Í þessu skrefi þarf að fara mjög varlega svo að botninn verði ekki of þéttur.

• 5)

  Næst smyrjum við 20cm form með olíu/smjöri, setjum bökunarpappír í botninn og bökum við 150°í um það bil 30 mínútur eða þar til botninn er fullbakaður. Ef að botninn boppar til baka þegar lauslega er ýtt í miðjuna og pinni kemur hreinn upp úr er hann tilbúin.

• 6)

  Þegar botninn kemur úr ofninum losum við hliðarnar og hvolfum botninum á kæligrind eða bökunarpappír.

Konfekttertubotn

• 1)

  Við byrjum á því að stífþeyta eggjahvíturnar og flórsykurinn saman.

• 2)

  Næst hrærum við kókosmjölinu og súkkulaðinu varlega saman við.

• 3)

  Næst smyrjum við 20cm form með olíu/smjöri, setjum bökunarpappír í botninn og bökum við 150° í um það bil 30 mínútur eða þar til botninn er bakaður í gegn og toppurinn orðinn gullinbrúnn.
  Þegar botninn kemur úr ofninum losum við hliðarnar og hvolfum á kæligrind eða bökunarpappír og leyfum að kólna.

Súkkulaðikrem

• 1)

  Við byrjum á því að bræða súkkulaðið yfir vatnsbaði og setjum til hliðar.

• 2)

  Næst þeytum við flórsykur og eggjarauður saman þar til það verður stífþeytt.

• 3)

  Þá hellum við brædda súkkulaðinu saman við í mjórri bunum.

• 4)

  Að lokum hærum við rjómanum varlega samanvið.

Rjómasúkkulaðimús

• 1)

  Við byrjum á því að setja rjómasúkkulaðið ásamt 80 ml. af rjómanum í skál og hitum í örbylgjuofni þar til rjómin byrjar að sjóða. Þá tökum við skálina út og hrærum saman þar til það er allt blandað vel saman.

• 2)

  Næst þeytum við restina af rjómanum og jurtarjómanum saman þar til það verður stífþeytt.

• 3)

  Þá tökum við ca. 1/3 af rjómanum og hrærum varlega saman við súkkulaðiblönduna.

• 4)

  Svo hrærum við varlega restinni af rjómanum saman við.

Samsetning

• 1)

  Við byrjum á því að setja blauttertubotninn á platta.

• 2)

  Næst setjum við smjörkrem í sprautupoka og klippum gat á pokann. Sprautum háan smjörkremhring/vegg meðfram botninum (3-4 umferðir ofan á hver aðra).

• 3)

  Þá setjum við súkkulaðiðkremið á botninn og þar á eftir súkkulaðimúsina.

  Fyrir þá sem það vilja er gott að setja jarðaber, perur eða aðra ávexti með á milli.

• 4)

  Næst fer konfekttertubotninn ofaná og kakan í kæli þar til smjörkremið stífnar alveg.

• 5)

  Þegar smjörkremið hefur alveg stífnað hjúpum við kökuna með smjörkremi og skreytum að vild.