Kókoskaka með sítrónufyllingu

Aðferð

Kókosbotn

• 1)

  Við byrjum á því að stilla ofninn á 175°(viftu).

• 2)

  Næst setjum við smjör(við stofuhita) og sykur saman í hrærivélaskál og þeytum þar til verður ljóst og létt.

• 3)

  Svo fara eggjahvíturnar rólega saman við, lítið í einu.

• 4)

  Næst hærum við 1/3 af þurrefnunum saman við blönduna.

• 5)

  Svo hrærum við 1/2 af blautefnunum (mjólk, kókosmjólk, olíu og vanilludropum) saman við.

• 6)

  Þá hrærum við næsta 1/3 af þurrefnunum saman við.

• 7)

  Síðan restinni af blautefnunum.

• 8)

  Að lokum fer síðasti skammturinn af þurrefnunum. Gott er að hræra degið ekki of mikið en samt nóg til þess að allt sé komið saman.

• 9)

  Næst fer degið í þrjú 19 cm. form og 12 bollakökuform og er bakað við 175°. Bollakökurnar (18-20 mín) þurfa styttri tíma en botnarnir (20-25 mín).

Kókoskrem

• 1)

  Við byrjum á því að þeyta smjörið(við stofuhita) þar til það verður ljóst og létt.

• 2)

  Næst bætum við flórsykrinum og vanilludropunum saman við og höldum áfram að þeyta.

• 3)

  Svo bætum við kókosmjólkinni (við stofuhita)  saman við og þeytum í 2-3 mínútur.

Sítrónufylling

• 1)

  Við setjum öll hráefnin í skál yfir vatnsbað.

• 2)

  Pössum að hræra stanslaust í blöndunni þar til hún fer að þykkna og nær rúmlega 70°.

• 3)

  Þá sigtum við blönduna í aðra skál og setjum í kæli.