Mokka bananarúlla

Það er alltaf gaman að prófa eitthvað nýtt í bakstrinum. Þessi Mokka bananarúlla kom virkilega á óvart og er hún eitthvað sem ég á alveg pottþétt eftir að skella aftur í fljótlega. Það er hægt að gera allskonar útfærslur á þessari marengsrúllu og hægt að setja allt mögulegt inn í hana. Ég mæli með að þið prófið að skella í þessa fljótlega!

öll Hráefnin í þessa uppskrift finnið þið í verslunum Hagkaups
Prenta uppskrift

  • Undirbúningur: 20 min
  • Baksturstími: 20 min
  • Samtals: 1 klst
  • Fjöldi: 10-15
  • Erfiðleikastig: Miðlungs

Innihald

Marengsrúlla

  • 250 g eggjahvítur
  • 450 g sykur
  • 200 g möndlmjöl
  • 75 g vanillu Royal búðingur, óblandað

Mokkarjómi

  • 500 ml G-rjómi, þeyttur (má vera venjulegur rjómi en mér þykir G-rjóminn bara stöðugri)
  • 4 msk espresso kaffi, uppáhellt
  • 4 msk flórsykur
  • 1 tsk vanilludropar

Annað

  • 2 stk bananar
  • 150 g karamellukurl
  • Flórsykur
  • Kaffi

Aðferð

Marengsrúlla

  • 1)

    Við byrjum á því að þeyta eggjahvítur og bætum sykrinum smá saman við.

  • 2)

    Eggjahvíturnar og sykurinn er þeytt saman þar til sykurinn leysist upp.

  • 3)

    Næst sigtum við möndlumjöl og vanillu Royal búðinginn í skál og blöndum svo varlega saman við eggjahvíturnar þar til allt er komið vel saman.

  • 4)

    Við setjum bökunarpappír á ofnplötu, setjum deigið í sprautupoka (ég notaði stút nr. 806) og sprautum línur þétt saman á bökunarpappírinn (lárétt) eins nálægt brúnum og við komumst.

  • 5)

    Næst bökum við marengsinn við 160°(viftu) í 20 mínútur. Mikilvægt er að baka hann ekki of lengi svo hann verði ekki og harður til að rúlla upp.

  • 6)

    Þegar marengsinn hefur kólnað snúum við honum við og fjarlægjum bökunarpappírinn varlega af.

Mokkarjómi

  • 1)

    Við stífþeytum rjómann ástam vanilludropum og flórsykri.

  • 2)

    Síðan blöndum við kaffinu varlega saman við með sleif.

Samsetning

  • 1)

    Við byrjum á að smyrja mokkarjómanum á marengsinn, mér finnst gott að skilja eftir 2 cm á báðum hliðum þar sem við byrjum að rúlla og þar sem við endum.

  • 2)

    Næst skerum við niður banana og setjum ofaná rjómann ástam karamellukurlinu.

  • 3)

    Svo rúllum við marengsinum varlega saman og færum á það fat sem á að bera rúlluna fram á.

  • 4)

    Að lokum stráum við flórsykri og kakó yfir með sigti.

Eriðleikastig:

Erfiðleikastig:Miðlungs
Fyrri grein Næsta grein